Nimugna si Zion Williamson og 28 puntos nga gibuwakan og makapaukyab nga high-flying alley-oop dunk aron agakon ang New Orleans Pelicans sa kadaugan batok sa hosts Brooklyn Nets, 104-91, ning Miyerkules, Marso 20, 2024 (PH time) sa National Basketball Association (NBA).
Ang nahisgutang hansak ni Williamson nalantawan nang daan niini pa lang ka sayo nga mahimo kining usa sa labing lig-ong mga kandidato alang sa Dunk of the Year award.
Sa pagpangulo ni Williamson, ang Pelicans ningrehistro sa ikapito nilang sunodsunod nga kadaugan nga nagsaka sa ilang rekord ngadto sa 42-26. / AP