Ang sikat nga team nga nailhan sa iyang unique nga dinuwaan sa Philippine Basketball Association (PBA), nagtapok kauban ang players niini ug si coach Yeng Guiao.
Kahinumdoman nga ang Red Bull franchise usa sa mikuha sa atensiyon sa fans sa PBA sa pagsulod niini sa liga tuig 2000.
Midaog ang franchise og tulo ka titulo ubos sa paggiya ni decorated coach Guiao. Ang pinakauwahi mao ang 2005-06 Fiesta Conference.
Lakip sa players sa Red Bull mao sila Kerby Raymundo, Willie Miller, Larry Fonacier, Carlo Sharma, Celino Cruz, Lordy Tugade, Junthy Valenzuela, Cyrus Baguio, Enrico Villanueva, Jeff Chan, ug ang kanhi deputy ni Guiao nga si Gee Abanilla.
Si Raymundo, Valenzuela ug Tugade lakip sa orihinal nga six-man player nga misaka sa PBA gikan sa PBL. / RSC