Kanhi guwardiya gipadakop human nanagmal sa 12 anyos nga babaye, anak sa iyang kapuyo nga nahitabo niadtong alas 9:20 sa gabii April 7, 2025, sa Sitio Lawis Alaska, Brgy. Mambaling, Dakbayan sa Sugbo.
Si alyas Jules, 30, walay trabaho gitanggong sa Mambaling Police Station ug giandam na ang kasong kalapasan sa RA 7610 kon Physical Abuse.
Ang biktima nga gitago sa pangala’ng Bella nakaangkon og mga bun-og sa iyang bukton ug bukobuko human gibunalan.
Gumikan sa nahiaguman sa menor de edad, nidangkop sa kapulisan ang inahan nga live-in partner sa suspek ilabina nga dili na niya maagwanta ang pagpanagmal sa suspek ngadto sa iyang anak.
Pangatarungan sa dinakpan nga iyang nahinaykan ang bata kay nagsige og duwa sa internet cafe bisan og gibadlong.
Gikataho sab ang nagumon sab ang suspek sa bisyo sa ginadiling drugas. / GPL