Kapin sa 200 ka gagmay nga negosyante sa Visayas ang nakabenepisyo sa bag-ong digital training nga nagtudlo sa paggamit sa artificial intelligence (AI) aron mas mapaayo ang ilang negosyo ug serbisyo sa komunidad.
Usa kanila si Dino Mirafuentes, 28, nga nagpahigayon og organikong umahan sa Ormoc City, Leyte. Ang iyang uma naglakip sa pag-atiman sa manok alang sa itlog, kuneho alang sa karne, ug tanom nga nigamit og natural nga abono gikan sa black soldier fly larvae.
Matod niya, dako og tabang ang AI tools sa pagpanindot sa iyang social media posts ug sa paghimo og matahom nga disenyo sa label sa iyang mga produkto.
"I was conscious about spelling errors and grammar when making posts. So why not use the resources that are available that can help my business? With AI tools, I'm more confident in my output," matod ni Mirafuentes.
Sa lainlaing training sessions nga gipahigayon sa Cebu ug Eastern Visayas, daghang negosyante ang nakakat-on unsaon paggamit sa AI alang sa marketing, content creation, ug digital payment solutions.
Sa Carcar City, si Milody Dimansillo-Alcuitas kinsa tag-iya sa Mil Dim Handcrafted Creations, nagpasalamat sa aktibidad nga nitudlo og praktikal nga tips.
"It's so important to keep up with digitalization today, and as a business owner, I really appreciate this kind of activity. These practical tips and strategies for using AI tools to market our products and grow our presence online are especially helpful for start-ups or for small businesses," matod niya.
Ang maong mga training gipasiugdahan pinaagi sa panaghiusa sa TikTok Shop Philippines, J&T Express, DTI Cebu Province, PLDT Enterprise ug Smart Communications. Ang ilang pagtinabangay nga paningkamot nagtumong sa pagpahigayon sa Shop and Ship Caravan sa Cebu ug sa Tech Connect: MSME Power Up series sa Leyte ug Southern Leyte diin kapin 100 ka Micro, Small and Medium Enterprises (MSMEs) ang nakakat-on unsaon pag-integrate sa AI ug pagpanalipod batok sa cyber threats.
Ang kalihukan nagtumong dili lang sa paghatag og teknikal nga kahibalo, apan aron sab sa pagpadasig sa mga negosyante nga mahimong magtutudlo ug tig-ambit sa ilang kaugalingong komunidad.
Pinaagi niini, mas daghang tawo ang makabenepisyo ug mas mapalapdan ang paggamit sa teknolohiya sa urban ug rural nga mga dapit.
Kini nga programa konektado sab sa United Nations Sustainable Development Goal (SDG) 8: Decent Work and Economic Growth pinaagi sa paghatag og dugang nga oportunidad sa panginabuhi ug pagpalig-on sa kakayahan sa mga micro-entrepreneurs aron makaambit sila sa digital economy.
Sa mas lapad nga panglantaw, kini nga mga paningkamot nagpalig-on sa panginabuhi sa gagmay nga negosyante ug naghatag og dugang nga oportunidad sa komunidad nga makasuporta sa padayon nga paglambo sa lokal nga ekonomiya. / PR