USA ka dako nga oportunidad sa panginabuhi ang nahatag sa kapin 500 ka mga residente sa Lungsod sa Candoni human sa paglambo sa Hacienda Asia Plantations, Inc. (Hapi), usa ka kompaniya nga nagdumala sa oil palm plantation sa habagatang bahin sa Negros Occidental.
Matod sa Hapi nga 90 porsiyento sa mga bag-ong trabahante naggikan sa Barangay Gatuslao ug kasikbit nga mga barangay.
Ang mga gi-hire naglangkob og daghang posisyon sama sa field engineers, pre-nursery leaders, site development managers, farm managers, heavy equipment operators, ug administrative staff.
Natukod niadtong 2023, ang Hapi nagdumala sa 4,000 ka ektarya nga plantasyon sa oil palm sa Candoni nga mao ang bugtong agricultural site sa kompanya.
Sumala sa datos sa Philippine Statistics Authority (PSA), nisaka sa 96.4 porsiyento ang employment rate sa Negros Occidental niadtong 2023. Apan bisan pa sa taas nga rate, nagpabilin gihapon ang kakulang sa pormal nga trabaho ilabina sa mga kabaryuhan diin narekord ang 3.6 porsiyento nga unemployment rate sa samang tuig.
“By introducing oil palm cultivation, we aim to complement the province’s agricultural strengths while expanding job opportunities and modernizing farming practices in Candoni,” matod ni Felix T. Occeña, Jr., ang Resident Manager sa Hapi.
Ang oil palm gilangkuban sa labing epektibo nga tanom sa pagproseso og lana sa tibuok kalibutan tungod sa taas nga yield kada ektarya.
Base sa Palm Oil Industry Roadmap 2024-2033 sa Philippine Coconut Authority, nisaka ang area sa oil palm cultivation sa nasod gikan sa 53,014 hectares sa tuig 2012 ngadto sa 63,380.85 hectares sa tuig 2022.
Gibantayan sa mga stakeholder sa industriya ang kapasidad niini sa pagpalapad sa kita sa kabukiran ug paghatag og dugang kita sa mga mag-uuma.
Gipahibalo sab sa Hapi nga nagpahigayon sila og training programs alang sa ilang bag-ong mga trabahante aron mapalambo ang ilang kahibalo sa agrikultura ug sustainable land management. Gipangandoy sa kompanya nga mahimong modelo ang Candoni sa maayong agricultural investment, ilabina sa mga lugar nga kulang sa pormal nga trabaho ug imprastruktura.
“As the oil palm industry continues to expand, we see its potential to become a sustainable and economically viable crop for both farmers and agri-businesses in the Philippines.
“Our goal is to promote sustainable agriculture across the province while contributing to the growth of rural economies. We hope Candoni can serve as an example of responsible agricultural development that creates real value for local communities,” dugang ni Occeña.
Alang sa gustong mangaplay og trabaho, giawhag sa Hapi ang publiko nga mobisita sa ilang opisyal nga Facebook page: Hacienda Asia Plantations, Inc. / PR