Kapin P600K balor sa gidiling drugs nasakmit

Napusasan ang giila sa kapulisan nga suspetsadong drug pusher nga giingong high value individual (HVI) sa F.E. Zuellig St., NRA, Ba­rangay Subangdaku, si­yu­dad sa Mandaue, ala 1:07 sa kaadlawon sa Miyer­kules, Enero 31, 2024,

Ang suspek nga nasikop sa buy-bust mao si Nico Ebol Elumba, alyas Nico, 33, ulitawo, taga Barangay Jago­biao, Mandaue City.

Nihimo sa buy-bust mao ang City Intelligence Unit (CIU) sa Mandaue City Police Office (MCPO) nga gipangulohan ni Police Lt. Erwin Remegio uban sa superbisyon ni Police Lt. Col. Wilfredo Alarcon Jr., hepe sa CIU, pinaagi sa koordinasyon sa Philippine Drug Enforcement Agency 7.

Nakuha gikan sa suspek mao ang 100 gramos nga timbang sa gituohong shabu nga gibanabana nga dunay standard drug price nga P680,000.