Kapin P.6M shabu, armas nasakmit

Kapin P.6M shabu, armas nasakmit
SunStar Local News GPX

Binulto nga gituohang shabu nasakmit sa Inaya­wan Police Station atol sa gilusad nga buy-bust sa Sitio Bayabas, Barangay Pob­lacion Pardo, dakbayan sa Sugbo alas 11:25 sa buntag sa Miyerkules, Marso 20, 2024.

Ang suspek giila sa mga saksi nga si Julius Codiñera Recilla, alyas Mangko, nabutang sa high value individual (HVI) sa listahan sa kapulisan nga kasamtangan nga nagpuyo sa maong lugar.

Nakuha gikan kaniya ang mga pinutos sa gituohang shabu nga motimbang og 100.20 grams nga dunay standard drug price nga P681,360 ug usa ka .38 kalibre nga snubnose revolver nga dunay tulo ka mga bala.

Nakadawat og report ang Ina­yawan Police Station labot sa ilegal nga negosyo sa suspek nga tungod ani gipaubos nila sa monitoring.

Human masuta nga tinuod ang impormasyon, ila dayon nga gilusad ang buy-bust sa pagpangulo sa hepe niini nga si Police Major Jiceree Basitao nga niresulta sa pagkasikop sa suspek. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph