Kapin sa P30M balor sa drugas, nasakmit

SUSPEK: Ang mga suspek  nga nakuhaan og shabu nga balor og P27,404,000 sa buy-bust sa  dakbayan sa Tagbilaran,  Martes sa gabii, Peb.  27, 2024.
SUSPEK: Ang mga suspek nga nakuhaan og shabu nga balor og P27,404,000 sa buy-bust sa dakbayan sa Tagbilaran, Martes sa gabii, Peb. 27, 2024.Gikan sa BPPO

Kapin sa P30 milyunes ang balor sa gidiling drugas nga nasakmit sa duha ka managlahing mga operasyon sa kapulisan sa Central Visayas niadtong Martes, Pebrero 27, 2024.

Alas 10:56 sa gabii sa Purok 7, Barangay Mansasa, dakbayan sa Tagbilaran, kapin sa upat ka kilo sa gituohang shabu nga dunay standard drug price nga P27,404,000 ang nasakmit sa buy-bust sa Bohol Police Provincial Office (BPPO).

Nasikop ang manag live-in partner nga sila si Peter John Cuadra, 24, ug Mary Ann Miano, 19, tinun-an sa usa ka unibersidad sa Tagbilaran, taga Habitat Village, Barangay Pool, Tagbilaran.

Nangulo sa operation ang hepe sa Provincial Drug Enforcement Unit (PDEU) nga si Police Captain Yolando Bagotchay Jr. ug Police Lieutenant Ariel Aspiras ubos sa supervision ni Police Lieutenant Colonel Joemar Pomarejos, hepe sa Provincial Intelligence Unit (PIU) sa BPPO.

Matod ni Police Lt. Col. Norman Nuez, information officer sa BPPO, bag-o pa nigawas ang ngalan sa mga suspek sa negosyo sa drugas.

Giingong mao na kini ang panginabuhian sa duha, ang pag dispose sa ilegal nga drugas gikan, matod pa, sa wala mailhi nga supplier.

Matod pa, dunay manawag kanila nga dili magpaila aron mopahibawo nga dunay moabot nga supply sa ilegal nga drugas.

Kini na usab ang mohatag og instructions kon pila ang ihatag sa ilang kustomer ug ang pagbahinbahin sa drugas.

Si Peter John, matod pa, ang mo-repack samtang ang iyang live-in nga si Mary Ann moapud-apod sa ilang suki nga drug players sa Bohol bugti sa komisyon nga P50,000 kon mahurot ang usa ka kilo.

“So, ingon ana ang ilahang transaction sa drugs, bali term nato ana bodegero, so, ang hatdan nila wala sad sila kaila kinsay hatdan na pud,” matod ni Nuez.

Nipalawom pa karon sa ilang imbestigasyon ang kapulisan sa Bohol kon asa giagi ang kinilo nga supply sa ilegal nga drugas.

CEBU CITY

Samtang nakasakmit ang kapulisan sa dakbayan sa Sugbo og 705 gramos sa gituohang shabu nga mobalor og P4.7 milyunes sa Villalon Drive, Barangay Capitol Site, alas 7 sa gabii, Martes, Pebrero 27, 2024.

Ang suspek giila nga si Niel Michael Espina, alyas Mike, 29, taga sitio Kalubihan, Brgy. Gutlang, lungsod sa Argao. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph