Kapin sa P500K danyos sunog sa Olango Island

Kapin sa P500K danyos sunog sa Olango Island
SunStar Local News GPX

Gibana-bana nga mokabat sa P552,000 ang danyos sa sunog nga niigo sa balay sa pamilya’ng Daño sa Sitio Ibabaw, Barangay Tingo, Olango island, Lapu-lapu City, sa 9:32 sa buntag sa Biyernes, Mayo 3, 2024.

Ang sunog nilanat su’d sa 10 minutos una hingpit nga napawong sa mga sakop sa Olango Fire Station.

Gikataho’ng ang balay ug tindahan sa magtiayon’g Wilbert Daño, 44, ug Alicia, 53, nga ginama light materials, maoy gilamoy sa kayo.

Sa inisyal nga taho sa kabumberohan, nagsugod sa computer room sa maong balay ang kayo hinungdan nga naugdaw ang istruktura.

Lakip nga nasunog ang ilang tindahan diin nahurot og lamoy sa kayo ang tanang stocks sa paninda.

Nasayran nga nakan-an sab sa kayo ang kasikbit nga balay sa magtiayon diin didto sila mangatulog inig ka gabii.

Hinuon, wala ra maunsa ang mga biktima ingon man ang ilang anak nga sila si Rheza Angel, 22; James Benedict, 18; ug Raybert, 14. / LAPU-LAPU CITY PIO, TPT

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph