Kapitolyo mopatukod og mga classroom sa 3 ka CNU campus

Kapitolyo mopatukod og mga classroom sa 3 ka CNU campus
CLASSROOMS: Si Gobernador Gwendolyn Garcia (tunga) misaad nga mopatukod og classrooms sa pabarugon nga mga extension campus sa Cebu Normal University (CNU) sa tulo ka mga lungsod sa Lala­wigan sa Sugbo. Gihimo kini sa gobernador atol sa panagtagbo tali sa mga opisyal. / SUGBO NEWS

Dugang mga tinun-an ang makatungha tungod kay tulo ka mga lungsod ang barugan sa mga kampos sa Cebu Normal University (CNU).

Kini ang gipahibawo sa Cebu Provincial Capitol Public Information Office, atol sa tigom sa Kapitolyo uban sa mga local government unit (LGU) ug mga opisyal sa CNU atol sa tigom sa Kapitolyo niadtong Hulyo 5, 2024.

“The Province will commit, tulad ng binigay ko sa CTU (Cebu Technological University) sa unom ka classrooms,” matod ni Gobernador Gwen Garcia.

Gitumbok ni Garcia ang mga classroom nga gitukod ug giinagurahan sa Kapitolyo alang sa CTU San Remigio ug CTU Balamban; samtang ang mga edipisyo nga gipundohan sa Kapitolyo alang sa CTU Toledo ug CTU Pinamungajan anaa sa lain-laing ang-ang sa pagtukod.

Ang Kapitolyo motukod og duha ka andana, unom ka lawak-klasehanan nga edipisyo alang sa matag usa sa mga umaabot nga extension campus sa Cebu Normal University (CNU) sa tulo ka mga LGU sa Sugbo, nga mao ang Munisipyo sa Catmon sa amihanan; ug ang mga Munisipyo sa Alegria ug Argao sa habagatan.

Ang mga mayor nangayo og audience kang Gobernador Gwen aron mangayo og tabang sa Kapitolyo sa pagpadali sa ilang aplikasyon sa CNU ug CHED aron ang ilang kaugalingong extension campus makasugod na sa operasyon sa pagsugod pa lang sa klase sa Agusto.

Sa laing bahin, ang opisyal sa CNU niingon nga ila pang gisusi ang mga dokumento nga gisumite sa LGUs, apan gipasalig ni Gobernador Garcia ug sa mga mayor nga sila makig-alayon pag-ayo sa CHED aron maseguro nga kining mga extension campus makasugod na sa klase sumala sa plano. / CDF

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph