Patay ang usa ka lalaki nga nagsakay og motorsiklo human gipusil alas 11:34 sa buntag, May 3, 2025 sa may Cansaga Bridge, Barangay Paknaan, Dakbayan sa Mandaue.
Ang biktima mao si Rudy Ponce, hingkod ang pangidaron, assistant hull supervisor sa usa ka shipyard sa Barangay Tayud, Lungsod sa Consolacion, nga taga Barangay Calawisan, Lapu-Lapu City.
Si Ponce gideklarar nga dead-on-arrival (DOA) sa tambalanan gumikan sa mga samad pinusilan nga iyang naangkon.
Atol niining pagsuwat, wala pa mailhi sa kapulisan ang gunman nga nagsakay sa XRM Motorcycle, nga way plate number.
Ang suspek nagsul-ob og itok nga jacket (vest type), itom nga half face helmet ug nakasul-ob og short pants.
Ang kapulisan sa Station 3 sa Mandaue City Police Office nagpadayon sa ilang hot pursuit sa gunman, ug ang pagtino sa motibo sa pagpatay sa biktima. / GPL