Kawatan mihilo sa iro sa ilang paglungkab

Kawatan mihilo sa iro sa ilang paglungkab
Pexels

DAVAO DEL NORTE — Dul-an sa P200,000 ang nasakiyo sa wala mailhing mga kawatan gikan sa RDM 128 Lending Corporation sa Purok 4, Brgy. San Francisco, Panabo City.

Gibutyag niini nga gisulod sa mga tulisan ang establisemento pinaagi sa paghilo sa iro nga guwardiya pinaagi sa pagkaon nga dunay hilo.

Base sa inisyal nga imbestigasyon, nadiskubrehan sa usa sa mga empleyado sa maong establisemento sayo sa buntag nga abli ug guba ang pultahan sa luyo.

Nakita usab nga patay ang binuhing iro nga maoy ilang gwardiya, dunay hilo nga pagkaon ug naguba ang vault sa maong establisemento.

Sa pagsusi sa kuha sa closed circuit television (CCTV) camera, nisulod sa establisemento ang duha ka wala mailhing mga lalaki nga nagsul-ob og pula nga sweatshirt ug gray nga hoodie nga adunay mga facemask. Nakita usab sila nga nagbitbit og mga crowbar.

Pugsanon nga giablihan ang vault gamit ang crowbars, ug nakuha ang kwarta nga nagkantidad og P186,955 ug 12 ka ATM cards.

Gibutyag usab niini nga gawas sa duha ka kawatan, aduna pay laing usa nga nagsilbing lookout nila sa gawas.

Ang kapulisan sa Panabo nilusad og dugang imbestigasyon aron mailhan ug masikop ang mga suspek. /DTV sa SunStar Davao

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph