Gipapirma sa Los Angeles Clippers og contract extension si Kawhi Leonard kagahapon, Enero 11, 2024 (PH time).
Walay gipagawas nga detalye ang Clippers kabahin sa kontrata apan ubay-ubay nga taho sa nagkadaiyang news outlets nag-ingon nga molanat kini og tulo ka mga tuig nga nagbalor og $152.4 million.
“He is an elite player, a terrific partner and a relentless worker who knows how to win and makes it his first priority,” matod ni Lawrence Frank, presidente sa basketball operations.
Si Leonard nag-average og 23.8 puntos sa kasamtangang season sa National Basketball Association (NBA).