Giingon nga killer sa 25 anyos nga ulitawo sa Talisay City sa Agusto 4, 2024 sa kaadlawon ni-surrender sa kapulisan sa Talisay City.
Ang biktima giila nga si Virgilio Reponte Monterde Jr., taga Purok Kolis, Barangay Candulawan, Talisay City.
Samtang, ang suspek nga nitahan nga usa ka barangay tanod giila nga si Jeomar Castañares Alloso, 31 ,ulitawo, taga Purok Sambag, Brgy. Candulawan.
Gisurender sab ni Alloso ang kalibre .45 nga pistola nga adunay magazine nga maoy iyang gigamit sa pagpusil kang Monterde.
Pangangkon ni Alloso nga igo lang siya nga nanalipod sa kaugalingon hinungdan nga iyang gipusil.
Matod pa nga aduna na silay dumtanay tali sa biktima, apan nidumili sa paghatag og dugang impormasyon.
Nasayran nga ang suspek gikuyogan sa barangay opisyal sa Candulawan nga si Josefine Concial atol sa iyang pag-surrender ngadto sa Talisay City Police Station, Martes sa sayo sa buntag, Agusto 6. /DVG