Himuan og salida ang kinabuhi ni Cebu Governor-elect Pamela Baricuatro aron paghatag og inspirasyon sa kababayen-an.
Kini maoy gipahibawo ni Atty. Ferdinand Topacio , legal counsel sa gobernador atol sa pakighinabi sa mga tigbalita sa Hunyo 28, 2025.
Ang maong salida himuon ubos sa produksyon sa Murancho Films nga direktahan ni Kerwin Go usa ka local nga Cebuano director.
Lakip sa gipahibaw niini nga ang aktres nga modala sa papel ni Baricuatro mao si Alice Dixson, samtang iapil usab sa maong salida ang political rival ni Baricuatro nga si outgoing Cebu Governor Gwendolyn Garcia na pagadalhon sa artistang si Isabel Rivas.
Samtang gilantaw usab niini si Gabby Concepcion nga mahimong leading man ni Dixson.
Ang maong istorya wala pa nahimuan og title apan inisyal nga gihunahuna sa grupo ang “The life story of Pam.”
Tinguha niini nga mapaambit sa mga kababayen-an ang inspirasyon sa usa ka simpleng Sugbuanon nga naningkamot ug nagtinguha nga molambo sa kinabuhi nga dunay katuyoan.
“The life of Pam is inspirational. Who can deny that? She doesn’t come from a political dynasty. A single mother. To support her child, she worked as stewardess, she engaged in philantrophy,” matod ni Topacio.
“Because of her principles..so that there will be an alternative form of governance, she went up against political giants and she triumphed. So that’s inspirational,” dugang niya.
Si Erik Ramos kinsa maoy scriptwriter sa production nagkanayon ng bag-o lang sila nagkaestorya ni Baricuatro sulod sa lima ka oras na-impress siya sa kaagi ni Pam sa iyang kinabuhi.
“I’m very excited to write this movie. Three weeks ago, I had a preliminary interview with Pam,” matod ni Ramos.
“I was very impressed with the life story of Pam,” dugang niya.
Kon pormal nang makalingkod si Baricuatro sa katungdanan sa Hunyo 30, gusto ni Ramos nga makighinabi sa gobernador pag-usab kauban ang iyang pamilya aron madugangan ug makompleto ang script sa maong salida. / ANV