King cobra napatay sa Argao

 MOATAKE UNTA: Gitabangan og bato hangtod namatay ang bitin nga moatake unta sa mga nagbaktas nga tawo. / HULAGWAY HINATAG NI BRYLL SARDIDO
MOATAKE UNTA: Gitabangan og bato hangtod namatay ang bitin nga moatake unta sa mga nagbaktas nga tawo. / HULAGWAY HINATAG NI BRYLL SARDIDO

Usa ka King cobra kun Banakon napatay sa bukirang bahin sa Barangay Linut-od, Lungsod sa Argao, habagatang Sugbo.

Nasayran sa Superbalita Cebu base sa pakighinabi ni Bryll Sardido nga niadtong Dominggo, Disyembre 31 sa alas 3 sa hapon, ang iyang ig-agaw nga si Jaime James Sardido ug laing kauban, nagbaktas niadtong higayuna.

Sa paghiabot sa taytayan, usa ka bitin ang ilang nakit-an nga nagkamang ug paingon nga moatake kanila.

Gitabangan nila kini og bato ug gidakdakan sa bato ang ulo hangtod namatay.

Sa miaging semana, usa usab ka Banakon ang napatay sa Magsico, lungsod sa San Fernando samtang nagtukob og usa ka sawa.

Sa Nobiyembre, usa ka King Cobra nasikop sa usa ka residente sa Ba­­ra­ngay Guadalupe, dakbayan sa Car­car.

Ang bitin gikuha sa kapulisan sa dakbayan ug gitugyan ngadto sa Dept. of Environment and Natural Resources (DENR).

Lain usab nga Banakon ang ang nanggukod og sawa sulod sa usa ka balay apan napatay sa tagbalay sa Brgy. Lamacan, Sibonga.

Daghan ang naglibog kon nganong daghan nang mga Banakon nga nanggawas dinhhi sa Sugbo nga wa man unta kini kaniadto.

Dunay teyoriya nga nadala kini sa mga cargo truck nga gikan sa Mindanao ug ubang mga dapit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph