Human sa 13 ka mga tuig, nibiya si Klay Thompson sa Golden State Warriors ug nakadesisyon nga makig-uban nila ni Luka Doncic ug Kyie Irving sa Dallas Mavericks sugod sa sunod season sa National Basketball Association (NBA).
Gikataho nga niuyon si Thompson nga mopirma og tulo ka mga tuig nga kontrata sa Mavericks nga nagbalor og $50 million isip tipik sa usa ka three-team trade nga naglambigit sab sa Charlotte Hornets.
Si Thompson sa ikaunom sa NBA all-time 3-pointers diin 2,481 na ang iyang napasulod.
Nagsunod siya nila ni Reggie Miller (2,560), Damian Lillard (2,607), James Harden (2,940), Ray Allen (2,973) ug Stephen Curry (3,747). / AP