SA usa ka nag-viral nga social media video, nakita nga nakapasulod og 72 ka sunodsunod nga three-point shots si Dallas Mavericks guard Klay Thompson atol sa usa ka training session.
Ang nagkuha sa video nga nilanat og dul-an sa duha ka minutos, mao ang mismong trainer ni Thompson nga si Chris Brickley.
Sa niaging season sa National Basketball Association (NBA) – labing una ni Thompson sa Dallas gikan sa iyang pagbiya sa Golden State Warriors – narehistro ni Thompson ang ikatulo niyang labing ubos nga three-point shooting percentage.
Tungod niini, nag-ensayo og maayo si Thompson. / Gikan sa wires