Gialsa ni bigman Karl-Anthony Towns ang New York Knicks palayo sa ikatulo nga sunodsunod nga kapildehan batok Indiana Pacers sa National Basketball Association (NBA) Eastern Conference Finals.
Human sila mapilde sa duha ka home court games, ang Knicks nagtutok na'g 20 puntos nga biya sa Game 3, apan wala motugot si Towns nga mahagsa sila sa 0-3 nga buslot batok sa Indiana Pacers.
Nipakatap si Towns og 20 puntos sa iyang 24 sa fourth quarter aron moalagwa ang Knicks kontra Pacers, 106-100, ug ipaubos ang series lead sa ilang kontra sa 2-1, sa Mayo 26, 2025 (PH time), sa Indianapolis.
“It’s a true test when you’re down 20-plus,” matod ni Towns. “Tonight was the kind of night where he had to have that never-say-die attitude.”
Ang Game 4 duwaon gihapon sa korte sa Indiana karong Miyerkules (PH time).
Si Towns dili lang sa opensa nahimong epektibo kay milabni sab siya og 15 rebounds. Matod niya nakapakita siya og maayo'ng duwa tungod sa suporta sa iyang teammates.
“They put me in great spots to succeed, and I just wanted to capitalize on the opportunity,” miingon si Towns “All of us are just trying to do whatever it takes to win, get ourselves back in the game. We wanted to put ourselves in a position to where at the end of the game we found ourselves with a chance of winning.”
Sa pikas bahin, si Tyrese Haliburton nakahimo og 20 puntos ug unom ka assists, ug nidugang si Myles Turner ug 19 puntos para sa Indiana.
Ang head coach sa Indiana nga si Rick Carlisle nagkanayon nga wa nila ma-execute og tarong ang plays nga niresulta sa kapildehan. / RSC