Mosuway pagbawos ang host New York Knicks sa Indiana Pacers sa ilang panagharong og balik sa Game 2 sa Eastern Conference finals series sugod karong alas 8:00 sa Sabado sa buntag, Mayo 24, 2025 (PH time), sa National Basketball Association (NBA).
Sa Game 1 ning best-of-seven series, ang Knicks dumadaog na unta dihang nakalabaw sila og 14 puntos sa nahabiling 2:45 minutos sa regulation period apan ning-rally ang Pacers pinaagi sa sagunsong three-pointers ni Aaron Nesmith.
Kining maong rally sa Pacers gituldokan sa makapaukyab nga buzzer-beater 2-pointer ni Tyrese Haliburton nga maoy nakapugos og overtime.
Nahingpit sa Pacers ang ilang pagbangon ug nakuha nila ang kadaugan sa Game 1, 138-135, human sa lima ka mga minutos nga extension.
Dili ikalimod nga sakIt alang sa Knicks ang ilang pagkapilde sa Game 1 apan labing seguro, ilaha na kining gilubong sa kalimot aron makatutok sa magsunod nga mga duwa sa series. / Gikan sa wires