Gipahibalo ni Kobe Paras nga abli ang iyang hunahuna kabahin sa posible niyang pagduwa sa Philippine Basketball Association (PBA) sa umaabot.
“I’m open to it,” tubag ni Paras dihang gipangutana siya sa Spin.ph atol sa iyang pagtan-aw sa friendly game tali sa Gilas Pilipinas ug Macau Black Bears niadtong Lunes sa gabii, Hulyo 28, 2025, sa Smart Araneta Coliseum.
Si Kobe, 27, kinsa anak ni kanhi PBA Rookie-MVP Benjie Paras, sulod na sab sa duha ka mga tuig nga wala niduwa og torneyo sa basketball apan padayon ra gihapon kining nagpakondisyon.
Kon magpa-draft si Kobe alang sa 50th season sa PBA, tataw nga makonsiderar kini nga usa sa mga kandidato alang sa No. 1 overall pick.
Apan ning puntoha, wala pa’y pinal nga desisyon si Kobe kabahin sa iyang pagduwa sa PBA. / ESL