Di kompetisyon ang paglusad sa Kagamhanan sa Lalawigan sa Sugbo sa usa ka bag-ong festival showcase isip bahin sa ika-457 nga adlaw sa pagkatukod sa charter.
Ang kalihukan nga gitakda sa Sabado, Agusto 29, 2026, magdugtong sa relihiyoso ug kultural nga tradisyon sa Sugbo pinaagi sa usa ka prosesyon sa carroza, Misa, ug mga pagpasundayag sa lokal nga mga nga festival didto sa Cebu City Sports Center (CCSC).
Si Cebu Provincial Tourism Office head Rowena Montecillo nagkanayon sa usa ka pakighinabi niadtong Miyerkules, nitataw nga ang kalihukan dili usa ka kompetisyon.
“It’s not comparative to Pasigarbo sa Sugbo at all. There is no contest, it’s just a plain presentation of their festivals,” matod ni Montecillo.
Gipasabot niya nga ang nag-unang katuyoan mao ang pagdala sa kasinatian sa pista sa lungsod adto sa Dakbayan sa Sugbo, ilabi na ang relihiyosong prosesyon ug Misa.
“The idea behind it is to bring the town fiestas into the city, so people can experience the main highlights of a fiesta—especially the procession and the Mass,” dugang ni Montecillo .
Magsugod ang kalihukan sa alas 2:30 sa hapon pinaagi sa usa ka prosesyon sa gibanabana nga 51 ka mga carroza nga nagdala sa mga imahe sa mga patron nga santo gikan sa mga Lungsod ug Dakbayan sa Sugbo.
Magsugod ang prosesyon sa ITAX, sa luyo sa Capitol Executive Building, ug moagi sa Osmeña Boulevard paingon sa CCSC.
Duha ka carroza gikan sa Dakbayan sa Sugbo ang moapil sab sa prosesyon, nga nagrepresentar sa Santo Niño de Cebu ug sa Birhen sa Guadalupe.
Usa ra ka lane sa Osmeña Boulevard ang gamiton panahon sa prosesyon, aron ang pikas lane magpabilin nga abli para sa trapiko.
Inag-abot sa CCSC, ang mga kura paroko magdungan sa pagsaulog sa Misa ug magbendisyon sa mga carroza.
Ang mga relihiyosong kalihukan sundan sa mga pasundayag sa mga lokal nga festival.
Sukad niadtong Agusto 20, pito ka mga contingent ang nagpalista sa ilang pag-apil: Sinulog sa Carmen, Tuba Festival sa Borbon, Bisnok Festival sa Dumanjug, La Torta Festival sa Argao, Hinulawan Festival sa Toledo City, Dagitab Festival sa Naga City, ug Kabkaban Festival sa Carcar City.
Naghangyo usab ang Bantayan nga makaapil kauban ang ilang Palawod Festival aron masiguro ang representasyon gikan sa ikaupat nga distrito.
Ang matag contingent makadawat og P100,000 nga subsidiya gikan sa gobiyerno sa lalawigan.
Si Cebu Province Executive Chief of Staff James Canoy nagkanayon nga ang pasundayag karong tuiga magsilbi nga preview para sa Pasidungog Festival sa sunod tuig, nga usa gyud ka kompetisyon.
Ang Pasigarbo sa Sugbo gisugdan niadtong 2008 ni kanhi Gov. Gwendolyn Garcia isip usa ka tibuok-lalawigan nga kumpetisyon nga nagpakita sa mga festival ug kultural nga tradisyon sa mga lokal nga gobyerno sa Sugbo atol sa founding anniversary sa lalawigan. / CDF