Kinahanglan pa’ng susihon ang kondisyon ni New Orleans Pelicans star Zion Williamson sa matag adlaw kabahin sa pagkapiang sa tunga nga tudlo sa iyang wa nga kamot.
Nasinati ni Williamson ang angol atol sa kapildihan sa Pelicans batok sa Orlando Magic, 117-108, niadtong Huwebes, Abril 4, 2024 (PH time) sa National Basketball Association (NBA).
Hinuon, nasuta sa resulta sa X-rays ug scans nga dili ra grabe ang piang ni Williamson, kinsa nag-ung-ong na sa labing una niyang pagsulod sa playoffs.
Ang Pelicans kasamtangang naa sa ikapito nga luna sa Western Conference dala ang 45-31 nga rekord. / AP