Konsehal, ‘kabit’ sakpan sa misis

Konsehal, ‘kabit’ sakpan sa misis
SunStar Local News GPX

Konsehal sa usa sa mga barangay sa dakbayan sa Sugbo ug usa ka 61 anyos nga biyuda nasakpan sa asawa nga ningsulod sa usa ka motel nga nahimutang sa Brgy. Banilad, dakbayan sa Mandaue alas 9 sa Biyernes sa gabii Enero 26, 2024.

Mga ngalan sa mga hingtungdan gipugngan ning mantalaan aron pagpanalipod sa ilang tagsa ka mga pamilya.

Unang nidangop ang asawa sa 41 anyos nga konsehal sa Station 4 sa Mandaue City Police Office (MCPO) nga nipahibawo nga iyang nakita ang iyang bana uban sa gituohan niyang kabit nga taga Brgy. Kamputhaw nga ningsulod sa motel dihang hilom kini niyang gisundan.

Dali nga ningresponde ang mga polis uban sa asawa, ilang girumbo ang lawak nga maoy gisudlan sa duha.

Pag-abli sa pultahan, nakita sa asawa ang iyang bana sa sulod sa kwarto uban ang biyuda apan wala na nila maabti nga naghubo.

Daling gipahibawo ang duha sa ilang katungod sa pagdakop kanila subay sa reklamo sa asawa sa konsehal nga kasong concubinage.

Wala na mohatag og pagpasabot ang duha labot sa ilang tinago-tago nga relasyon.

Usa sa mga kasaligang tinubdan nibutyag sa Superbalita Cebu nga buotan ang maong konsehal.

Gani nasublian kini sa ikaduha na nga termino isip konsehal sa barangay niadtong miaging Barangay and Sangguniang Kabataan Elections (BSKE).

Siya ang chairman sa peace and order sa barangay ug kanunay nga mohusay kon dunay away nga mahitabo sa pamilya.

Nagtuo ang maong tinubdan nga natintal ang ilang konsehal kay ang biyuda adunahan ug kanunay nga nagsuporta sa pinansyal nga aspeto.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph