Ang incumbent nga konsehal sa Lungsod sa Catmon, Sugbo nga si George Molina ang napalgang wa nay kinabuhi sud sa iyang balay sa Sityo Barhaw, Barangay Catmondaan niadtong hapon sa Dominggo, Abril 6, 2025.
Inisyal nga impormasyon sa Catmon Municipal Police Station pinaagi sa ilang hepe nga si Police Captain Renerio Mejias nga diha sa kusina napalgan ang opisyal pinaagi sa iyang tres anyos nga pag-umangkon.
Gidali sa pagtabang si Molina ug gidala sa Juan Dosado Memorial Hospital, Lungsod sa Sogod apan gideklarar nga patay na.
Gikataho nga naghigot sa iyang liog ang opisyal sa wa pa masayri kon unsay hinungdan.
Si Molina magpa-reelect sa iyang posisyon sa umaabot nga Mayo 12 nga piniliay.
Daghang mga konstituente ang nahinugon ni Molina tungod kay giila kini nga maayong tawo gani gianggaan kini og ‘idol’ sa ilang dapit. / GPL