Gilista sa New York Knicks nga kuwestiyunable ang duha sa ilang mga sinaligan nga sila si OG Anunoby ug Josh Hart sa ilang pag-host sa Indiana Pacers sa deciding Game 7 sa ilang Eastern Conference semi-finals series sa National Basketball Association (NBA) ning Lunes, Mayo 20, 2024 (PH time).
Ang Knicks ningkombati’g sugod nga wala si Anunoby human kini naangol (left hamstring) sa Game 2 sa best-of-seven series.
Si Anunoby nimugna og career-playoff high 28 puntos niadtong duwaa aron tabangan ang Knicks nga makaposte og 2-0 nga bintaha sa series nga gipapha sa Pacers aron pagpugos og deciding game. / AP