Wa’y kabutangan ang kalipay ni LA Tenorio sa nabuhat sa Gilas Youth nga 6-0 sweep nga miresulta sa bulawan sa FIBA U16 Asia Cup SEABA Qualifiers.
Tungod sa kadaogan nakasiguro na ang Pilipinas og pwesto sa FIBA Asia Cup didto sa Mongolia.
“Feeling incredibly grateful as we celebrate our gold medal victory at the SEABA U16 tournament!” ingon ni Tenorio, nga usa usab ka Gilas Pilipinas legend.
Gipasalamatan gyud niya ang mga tawo nga nitabang sa team gikan sa pagsugod hangtod sa kataposan sa torneo.
“A heartfelt thank you to our amazing players for their relentless effort, sacrifices and determination, to all the coaching staff for their trust and guidance,” padayon ni Tenorio.
“And sa lahat ng mga kababayan natin san man sulok ng mundo na sumuporta sa Batang Gilas, Maraming Maraming salamat po!!”
Ang beterano nga guard nipasalamat dili lang sa team, kundili sa tanang coaching staff ug sa mga Pinoy supporters sa tibuok kalibutan.
Nasayod si Tenorio nga wala pa matapos ang misyon.
Alang kaniya, kini pa lang ang unang lakang sa taas nga journey sa team ug sa iya isip coach. / RSC