Ningpupo og 33 puntos matag usa sila si Paul George ug James Harden aron pangulohan ang kadaugan sa Los Angeles Clippers batok sa Dallas Mavericks, 116-111, ning Lunes, Abril 29, 2024 (PH Time), sa Game 4 sa ilang Western Conference 1st round playoffs series sa National Basketball Association (NBA).
Sa kadaugan, nakatabla ang Clippers ning maong series, 2-2.
Tataw nga gidoble nila ni George ug Harden ang ilang kayod aron tapakan ang haw-ang nga nabiyaan ni Kawhi Leonard, kinsa wala na sab nakaduwa tungod sa angol sa iyang tuo nga tuhod. / AP