Nagpadayon karon ang repatriation program sa gobyerno alang sa mga Pinoy nga gustong mopauli gikan sa Israel diin uwahing miuli ang batch sa 13 ka mga trabahante sa hotel ug caregivers niadtong Biyernes, Hulyo 4.
“Another batch of 13 overseas Filipino workers (OFWs) from Israel returned home safely on July 4, 2025, at NAIA (Ninoy Aquino International Airport) Terminal 1, reflecting the whole-of-government team's continued efforts on assisting distressed workers in the Middle East,” matod sa Department of Migrant Workers (DMW) niadtong Sabado.
Atol sa ilang pag-abot sa nasod, ang mga OFW nipaubos sa health checks ug nakadawat ug hinanaling pinansyal nga tabang isip safety net, lakip na gikan sa DMW, emergency repatriation fund sa Overseas Workers Welfare Administration, social and welfare development assistance, ug training voucher.
Ang DMW miingon nga ang halapad nga suporta nahisubay sa direktiba ni Presidente Ferdinand R. Marcos Jr. nga maghatag ug komprehensibo nga reintegration nga tabang sa mga namalik nga OFW gikan sa Israel.
Si Josephine Sanglitan Sandoi, usa sa mga nauli nga caregiver, mibiya sa Israel human sa halos duha ka dekada.
Lakip siya sa usa ka grupo sa mga trabahante nga nagtago sulod sa usa ka silunganan sa dihang ang usa ka misil miigo duol sa nahimutangan niini.
Ang bag-ong batch gidawat ni DMW Undersecretary Dominique Rubia-Tutay ug Assistant Secretary Maria Angela Galias, OWWA Deputy Administrator Ryan Uy, Department of Social Welfare and Development representatives, ug sa airport medical team.
“Hindi madali ang inyong pinagdaanan sa ibang bansa lalo na sa gitna ng kaguluhan, kaya naman sisiguraduhin namin na mabibigyan kayo ng sapat na tulong at suporta sa inyong reintegration,” matod ni Tutay.
“Wala na pong iniisip ang ating mahal na Pangulo kundi ang inyong kaligtasan,” dugang niini.
Base sa labing bag-o nga datos gikan sa Philippine Embassy sa Israel, moabot na sa 47 ka OFWs ang naka-avail sa voluntary repatriation flight sa gobyerno human sa pag-atake sa Israel sa Iran sa miaging buwan. / PNA