Laing duha pa ka mga suspek sa hazing-related nga kamatayon sa usa ka estudyante sa Philippine College of Criminology ning-surrender sa kapulisan, matod ni Quezon City Police District (QCPD) Director Brigadier General Red Maranan sa Huwebes, Oktubre 19, 2023.
Giila ni Maranan ang duha ka mga suspek nga sila si John Xavier Clidoro Arcosa ug John Arvin Diocena.
Sa kinatibuk-an, unom ka mga suspek -- sila si Arcosa, Diocena, Justin Artates Cantillo, Mark Leo Domecillo Andales, Kyle Michael Cordeta De Castro ug Lexer Angelo Diala Manarpies -- anaa na sa kustodiya sa QCPD.
Sila si Cantillo ug Andales parehong nagsilbi nga Deputy Grand Triskelion, si De Castro ang treasurer, ug si Manarpies ang master initiator.
Ang unom nalakip sa 16 ka mga indibidwal nga gipasakaan og kasong murder kalabot sa Anti-Hazing Act.
Duha niini ang nihatag na sa ilang extra-judicial confession diin ilang giangkon nga nalambigit sa krimen.
Ang laing 10 ka uban nga gipanganlan na sa ilang mga kauban nga fratmen ubos sa manhunt operations.
Niadtong Lunes, Oktubre 16, ang 25-anyos nga si Aldryn Leary Bravante gideklarar nga patay sa pag-abot sa ospital mga oras human sa iyang initiation rites sa Tau Gamma Phi fraternity. (SunStar Philippines)