Laing Abarrientos moduwa sa PBA

Laing Abarrientos moduwa sa PBA
SunStar Basketball

Laing Abarrientos og apelyido ang gilaumang mohimo’g langas sa Philippine Basketball Association (PBA) isip usa ka pointguard.

Gitumbok mao ang kanhi sakop sa Gilas Pilipinas nga si RJ Abarrientos, pag-umangkon ni legendary Johnny Abarrientos, kinsa gikonsiderar nga usa sa labing dekalidad nga point guard nga nakaduwa sa labing unang professional nga liga sa Asya.

Si RJ, kinsa produkto sa Far Eastern University (FEU) Tamaraws, nikompirmar nga nakadesisyon na siyang magpa-draft sa PBA.

Ang 24 anyos nga magduduwa nibutyag nga gi-release na siya sa iyang team sa Jaban B.League nga mao ang Shinshu Brave Warriors basi sa ilang gikasabutan.

Sa wala pa siya nipirma og duha ka mga tuig nga kontrata sa Brave Warriors, si RJ niduwa una sa Ulsan Hyundai Mobis Phoebus sa Korean Basketball League (KBL).

Sa iyang nag-inusarang season nga pagduwa sa KBL, napiling Rookie of the Year si RJ human siya nag-average og 13.6 puntos, 4.8 ka assists, ug 2.9 ka rebounds. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph