Usa ka nag-inusara’ng nipusta nidaug sa Grand Lotto 6/55 jackpot nga nagkantidad og P698.8 milyunes, sumala sa Philippine Charity Sweepstakes Office (PCSO).
Ang midaog nga kombinasyon mao ang 24-50-52-09-51-03, nga gibula niadtong Miyerkules sa gabii, Enero 17, 2024. Kini adunay kinatibuk-ang jackpot prize nga P698,806,269.20.
Way nakadaug sa Mega Lotto 6/45 nga dunay winning combination nga 28-05-33-01-23-20, nga adunay jackpot prize nga P25,568,828.
Samtang, usa usab ka nag-inusara nga mananaug sa P640,654,817.60 sa 6/49 Super Lotto nga adunay kombinasyon nga 26-33-14-48-06-42, sa bola niadtong Martes sa gabii, Enero 16, 2024.
Niadtong Miyerkules, usa ka 47-anyos nga ginang sa panimalay ang nakadala og kinatibuk-ang P43,882,361.60, nga iyang nadaug human maigo ang saktong kombinasyon sa 6/42 lotto niadtong Disyembre 28, 2023.
Niadtong Disyembre 29, usa ka nag-inusara’ng bettor ang nakakuha usab sa P571 milyunes nga jackpot sa Ultra Lotto 6/58. Kini ang pinakadako nga premyo sa jackpot sa 2023.
Gipadak-an sa PCSO ang 6/58 Ultra Lotto, 6/49 Super Lotto ug ang Grand Lotto 6/55 nga jackpot ngadto sa P500 milyunes niadtong Disyembre isip kabahin sa “Handog Pakabog” nga promo.
Ang mga premyo sa jackpot sa Lotto 6/42 ug Mega Lotto 6/45 gipasaka usab ngadto sa P100 milyunes matag usa. / SunStar Philippines