Laing taytayan magdugtong sa Lapu-Lapu City, Cordova

Laing taytayan magdugtong sa Lapu-Lapu City, Cordova
SunStar Local News GPX

Laing taytayan nga magdugtong sa dakbayan sa Lapu-Lapu ug lungsod sa Cordova gisubhan alang sa pagsugod sa trabaho sa Biyernes, Mayo 10, 2024.

Sila si Lapu-Lapu City Mayor Junard ‘Ahong’ Chan ug lone district representative Cynthia ‘Cindi King-Chan maoy nangulo sa groundbreaking ug capsule laying ceremony sa Cordova-Lapu-Lapu City Bridge nga moagi sa Pilipog-Gabi Coastal Road.

Ang umaabot nga taytayan magdugtong sa Barangay Ibabao sa lungsod sa Cordova ngadto sa Sudtungan, Barangay Basak sa Lapu-Lapu, ug kini magsilbi nga alternatibong dalan sa mga Oponganon ug Cordovahanon.

Ang proyekto adunay kinatibuk-ang gitas-on nga 30 metros ug gilapdon nga 22.4 metros nga mak-akomodar og upat ka lane ug 1.5 metros ang gilapdon sa bike lanes.

Duha ka metros ang gitas-on aron makaagi ang mga mananagat ilawom sa taytayan.

Ang taytayan gitakdang mahuman sulod sa tuig.

Si Mayor Chan niingon nga kon mahuman na ang proyekto mamenusan ang kahuot sa trapiko sa duha ka dalan nga nagdugtong sa Cordova ug Lapu-Lapu sa Babag ug Basak-Marigondon Road partikular na sa Barangays Basak, Marigondon, Pajo.

“Mao ang tumong ug tuyo niini para sa mga interior parts sa maong mga lugar kay makatabang kanila sa pag-agi dinhi sa atuang Gabi-Pilipog Road,” matod ni Chan.

Ang pundo kay gahin sa BIP (Basic Insfrastructure Program) pinaagi sa paningkamot ni Congresswoman Chan. [Tagpila? Unsa ning BIP, from national budget gihapon ni?]

Nitambong usab sila si Lapu-Lapu City Vice Mayor Celedonio “Celsi” Sitoy uban sa mga konsehal sa dakbayan, mga opisyal sa barangay ug ABC president Jasmine “Daday” Chan, ug mayor sa Cordova nga si Cesar “Didoy” Suan nga misaksi sa kalihukan. / EHP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph