Ang mga nag-unang kompaniya sa petrolyo sa nasod mopatuman sa pagpaumento sa presyo sa mga produkto karong adlawa, Martes, Enero 9, 2024.
Sa managlahing advisories, ang Pilipinas Shell, Seaoil, Petrogazz, Cleanfuel, Caltex ug Jetti nagkanayon nga adunay P.10 matag litro nga umento sa presyo sa diesel, gasolina ug kerosene.
Ang Caltex mopatuman sa price adjustment sa alas 12:01 sa udto, samtang ang Pilipinas Shell, Jetti, PetroGazz ug Seaoil epektibo sa alas 6:00 sa buntag ug Cleanfuel sa alas 4:01 sa hapon.
Sa miaging semana, gipatuman sa mga kompaniya ang unang rollback sa presyo sa gasolina alang sa 2024, nga P.10 matag litro sa gasolina, P.35 matag litro sa diesel ug P1.40 matag litro sa kerosene. / SunStar Philippines