Ang franchise sa Los Angeles Lakers nagplano na sa ilang pag-rebuild kon moretiro na unya si LeBron James.
Way laing gitan-aw ang Lakers mao ang pagkuha og laing superstar nga makadala sa historic franchise ngadto sa gipangandoy nga kampiyonato.
Usa sa mga prospect sa Lakers mao ang all-around superstar nga si Luka Doncic nga nagduwa karon sa Dallas Mavericks.
Sa report sa Basketball Forever gikan ni Kevin O’Connor, usa ka NBA beat reporter niingon nga ang Lakers miestorya nga gusto nila makuha sa Doncic.
Mibuto dayon og komento ang social media sa gipadayag sa Lakers.
Matod pa sa usa ka netizen nga padayon lang sa pagpangandoy ang Lakers kay imposible gyud nga buhian sa Mavericks si Doncic.
Duna puy netizen nga miigon nga di gyud mahibaw-an kay na parti na sa history sa Lakers nga makuha gyud ang big names sa basketball.
Usa ka Laker fan ang misugyot nga nindot kini nga pagpormada sa team ug naglaom siya nga mahitabo na gyud kini.
Dugang pud sa usa ka netizen nga usa ka nindot nga offer ang makapahitabo ani alang sa Lakers.
Hinuon modangat pa og pila ka tuig kay wa pa man mohisgot ang beterano nga si James sa iyang pagretiro. / RSC