Lakers milapa sa galuya nga Grizzlies

Lakers milapa sa galuya nga Grizzlies
Basketball (File Photo)

Namungot ang All-Star duo nga sila si Lebron James ug Anthony Davis ug gilupig sa Los Angeles Lakers ang Memphis Grizzlies, 123-120, sa National Basketball Asso­ciation (NBA) sa Sabado, Ab­ril 13, (RP time) sa Memphis.

Nitali si James og 37 puntos ug 10 ka rebounds samtang si Davis nipabuhagay og 36 puntos ug 14 ka rebounds aron putlon ang ilang duha ka sunodsunod nga mga pilde.

“I felt fine. No issues. Felt pretty good out there,” batbat ni Da­vis nga nibalik gikan sa pahuway tungod sa left eye injury.

Nakamugna og 31 puntos si GG Jackson, nidunol og career-high 28 puntos si Scotty Pippen Jr. ug nidugang si Jake LaRavia og 28 puntos alang sa pilderong Grizzlies.

Nasulod ang Lakers (46-35) sa play-in tournament sa Western Conference samtang ang Grizzlies (27-54) natagak sa lumba alang sa postseason. / RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph