Nakuhaan og shabu ug armas ang suspek nga nasikop sa kapulisan sa miaging gabii, Enero 25, sa Purok Mahigugmaon, Brgy. Luyang, lungsod sa San Remigio.
Si Rondell Bulinoli Tan, 43, dunay kapuyo ug taga Purok Maabiabihon, Barangay Luyang, San Remigio, napusasan sa mga sakop sa Drug Enforcement Unit sa San Remigio Police Station.
Si Tan nakuhaan og usa ka paltik .22 Cal. revolver nga dunay duha ka bala, ug duha ka putos nga shabu apan wa pa matino ang kantidad niini.
Si Police Captain Phil Restauro, hepe sa San Remigio Police Station, nibutyag sa Superbalita Cebu nga si Tan, ilang naaktuhan nga nagkupot sa iyang armas human gialarma.
Sa pagrekisa, nakuhaan kini og duha ka pakite sa shabu.
Matod ni Restauro, si Tan nailang kawata'g motorsiklo, ug snatcher.
Si Tan nakabasi sa dakbayan sa Sugbo ug nabilanggo niadto sa kasong pagpangawat./GPL