Lalaki 'gibanhigan' naigo sa agtang pagpusil, patay

TAMPO
GIPUSIL-PATAY: Ang biktima nga lalaki sa dihang gipusil-patay sa Sityo Josing Enong, Barangay Jampang, lungsod sa Argao, Sugbo, alas 9:30 sa buntag, Dominggo, Hunyo 9, 2024. / TAMPO

Patay dihadiha ang usa ka hamtong nga lalaki sa dihang giagtang sa pagpusil sa Sityo Josing Enong, Brgy. Jampang, lungsod sa Argao, Sugbo, alas 9:30 sa buntag, Dominggo, Hunyo 9, 2024.

Ang biktima giila nga si Oscar Bajenting, taga Sityo Jo­sing Enong sa Jampang, Argao, samtang ang mamumuno wa pa mailhi.

Sa pasiunang imbestigasyon sa kapulisan sa Argao ubos sa kamandoan sa ilang hepe nga si P/Maj. Janus Giangan, nasayran sa Superbalita Cebu nga ang pipila ka mga lumolupyo sa dapit nakadungog sa sipa nga pagbuto og armas.

Sa ilang pagsusi, ang biktima nagdulog na sa iyang motorsiklo daplin sa karsada sa maong dapit nga nag-helmet ug nasuta aduna kini samad pinusilan sa iyahang agtang.

Atol ning pagsuwat, nagpadayon pa ang imbestigasyon sa kapulisan sa Argao aron masayran kon si kinsa ang mamumuno ug unsa ang motibo sa pagpatay sa biktima. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph