Lalaki gipusil sa gikatagbo, angol

Lalaki gipusil sa gikatagbo, angol
SunStar Local News GPX

Usa ka lalaki nakaplagang samdan sa kalibunan sa Barangay Daang Lungsod, siyudad sa Toledo Sugbo, alas 5 sa buntag, Biyernes, Disyembre 22, 2023.

Giila ang biktima nga si Diobasco Dumo, 32, ulitawo, taga Barangay Poblacion, Toledo.

Nasayran sa imbestigas­yon sa kapulisan sa Toledo nga ubos sa kamanduan sa ilang hepe nga si Police Lt. Col. Manolo Salvatierra, ang biktima dunay samad pinusilan sa bukobuko ug tuong paa, nagdulog siya sa motorsiklo.

Matod sa pipila ka saksi, dunay upat ka mga tawo ang gikatagbo sa biktima sa maong dapit ug wa magdugay, usa niini nipusil kaniya. Ang biktima gidala sa Toledo City Hospital.

May nailhan na ang kapulisan sa upat ka mga lalaki nga gikaabot sa biktima.

Gitan-aw sa kapulisan kon dili ba bahin sa illegal drugs ang hinungdan sa pagpamusil.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph