Nakabsan sa kinabuhi ang 32 anyos nga lalaki human pusila sa iyang silingan sa Purok Dakit, Sityo Fatima, Brgy. Linao, lungsod sa Minglanilla, alas 11:24 sa gabii, Sabado, Oktubre 19, 2024.
Ang biktima giila nga si Rolan PeƱas, ulitawo, ug molupyo sa maong dapit, samtang ang suspek mao si Ritchie Reyes, 26, ulitawo, adunay kapuyo, ug silingan sa biktima.
Base sa imbestigasyon sa kapulisan sa Minglanilla ubos sa sa kamandoan sa ilang hepe nga si P/Maj. Mark Don Alfred P. Leanza, nasuta nga ang suspek ug ang iyang kapuyo nagaway sud sa ilang kuwarto.
Matod pa, ang suspek nigawas sa kuwarto sa iyang kapuyo ug niadto sa sala sa biktima nga kuyog sa uban nga mga bisita nga nagkantakanta atol sa kasaulogan sa piyesta sa dapit.
Matod pa, ang suspek nikuha sa memory card gikan sa sounds system nga ilang gigamit sa maong videoke ug hinungdan nga napawong.
Gikataho nga nainsulto ang kapuyo ug ang mga bisita sa gibuhat sa suspek mao nga nakadesisyon na lang sila nga mamauli.
Ang biktima nga nakakita sa suspek nga naa sa ngiob nga bahin sa maong lugar nga naglakaw kuyog sa mga amigo, ang niduol aron sa pagpakig-estorya apan gipusil na hinuon kini sa makatulo ka higayon.
Ang biktima ang gidali sa pagtabang ug gidala sa Minglanilla District Hospital apan gideklarar dead on arrival sa attending physician.
Samtang ang suspek nadakpan sa hot pursuit sa kapulisan ug na-recover ang .38 nga kalibre sa revolver nga may unom ka empty shells sa cylinder niini nga maoy gigamit sa maong krimen. Ang suspek mag-atubang og kasong murder.