Lalaki giselusan, gidunggab, kritikal

SunStar Moalboal
SunStar Moalboal

Tungod sa iyang giingong nag-alintabo nga selos human niya nakita nga nagdungan sa pagpangaon ug naghunghongay pa ang iyang kapuyo ug iyang higala, iyang gidunggab ang mao nga lalaki alas 6 sa gabii sa Biyernes, Hunyo 21, 2024 sa usa ka kan-anan sa Brgy. Saavedra, Moalboal.

Ang biktima nga kritikal nga gidala sa tambalanan tungod sa samad dinunggaban sa ubos nga bahin sa iyang walang ilok giila nga si Melvin Denoyo, 41, ulitawo, taga Sityo Looc, samtang ang suspek giila nga si Jephon Lozano, 33 , ulitawo, taga Sityo Bangag.

Sa imbestigasyon sa kapulisan sa Moalboal ubos sa deriktiba sa ilang hepe nga si P/Capt. Brigido J. Paca II nasayran gikan ni Lozano, kinsa nitahan sa ilang buhatan, nga iyang nakit-an si Denoyo nga nagkuyog og panihapon sa iyang kapuyo nga si Mae sa usa kan-anan sa lugar.

Nag-istoryahanay nga naghunghongay ug niulbo ang iyang selos sa duruha, labina sa iyang amigo, ug iya kining gidunggab gamit ang kutsilyo. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph