Lalaki gitigbas, gipusil, patay sa Mandaue City

GIPATAY: Napalgan nga nagbuy-od nga patay na si Rosilito Pineda Jr., 26, nga dunay mga samad pinusilan sa ulo sa Sityo Mahayahay, Barangay Labogon, siyudad sa Mandaue pasado alas 3 sa hapon sa Dominggo, Nobiyembre 19, 2023. / Tampo
GIPATAY: Napalgan nga nagbuy-od nga patay na si Rosilito Pineda Jr., 26, nga dunay mga samad pinusilan sa ulo sa Sityo Mahayahay, Barangay Labogon, siyudad sa Mandaue pasado alas 3 sa hapon sa Dominggo, Nobiyembre 19, 2023. / Tampo

Usa ka lalaki nga dunay dala nga sako ug pukot alang sa isda nakaplagang patay na ug dunay mga samad pinusilan sa ulo alas 3 sa hapon sa Dominggo, Nobiyembre 19, 2023 sa Sityo Mahayahay, Barangay Labogon, siyudad sa Mandaue.

Gawas sa samad pinusilan sa ulo, duna sab kini samad sa tuo nga kamot nga gituohan nga agi sa tinigbasan.

Usa ka concerned citizen ang nanawag sa Mandaue City Police Station 3 a Mandaue City Police Office (MCPO), ubos sa kamandoan ni Police Maj. Jade Campo Sumugas, sa kay dunay lalaki nga gipatay nga nakit-an.

Sumala sa kasaligang tinubdan, ang biktima mao si Rosi­lito Pineda Jr., 26, ulitawo, apan dunay kapuyo, taga Sit­yo Tikod, Labogon.

Ang biktima una nga gituohan sa kapulisan nga naglakaw padulong sa dagat aron mamukot kay adunay dala nga usa ka sako nga may pukot.

Apan sa pagpakisusi, usa kini ka scavenger, di mananagat, busa nagpalawom pa sila sa ilang imbestigasyon.

Wa pa masuta sa kapulisan ang motibo sa pagpatay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph