Lalaki nagmotor uban sa uyab gipusil, angol

Map of Medellin, Cebu.
Map of Medellin, Cebu. (Google maps)

Nalandig sa tambalanan ang usa ka lalaki human naangol sa pagpusil samtang nagmaniho sa iyang motorsiklo nga angkas ang iyang uyab ala 1 sa Sabado sa kaadlawon, Enero 6, sa Sityo Pio Veloso, Brgy. Antipolo, Medellin, amihanang Sugbo.

Ang biktima giila nga si Jerald Encarquez 24, ulitawo, taga Purok Pajo, Sityo Mahayahay, Brgy. Daang Lungsod.

Matod sa kapulisan nga angkas sa biktima ang iyang uyab gikan sa Kawit, Medellin.

Pag-abot sa maong dapit, usa ka wa mailhing lalaki nibabag busa nihunong ang biktima.

Gipusil gilayon si Encarquez, kinsa naigo sa liog ug abaga.

Wa hinuon pusila ang iyang uyab.

Ang biktima gidali sa pagdala sa Cebu Provincial Hospital sa siyudad sa Bogo.

Nagpadayon pa ang imbestigasyon sa kapulisan sa lungsod ubos sa kamanduan sa ilang hepe nga si Police Maj. James Timothy Romanillos.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph