Nakabsan sa iyang kinabuhi ang usa ka mag-uuma human gilaslasan sa iyang ig-agaw og buwang sa manok ang wang paa niini sa alas 8:10 sa gabii sa Huwebes, Marso 13, 2025, sa Barangay Bug-ot, bukirang bahin sa Lungsod sa Argao, Sugbo.
Ang biktima giila nga si Jeperson Getalla, 39, ulitawo, samtang ang suspek mao ang iyang ig-agaw nga si Rogelio Getalla, 37, ug ulitawo.
Nasayran sa imbestigasyon sa kapulisan sa maong lungsod ubos sa kamanduan sa ilang hepe nga si Major Janus Giangan nga ang duha naglayog human nagkalalis.
Apan si Rogelio mibunot og buwang sa manok og gilaslasan ang tuong paa sa biktima nga gidali pagdala sa Isidro C. Kintanar Memorial Hospital apan namatay pipila ka gutlo kay nahutdan og dugo.
Ang suspek nitahan sa kapulisan human sa hitabo. / DVG