Usa ka 22 anyos nga ulitawo nga nagmotorsiklo nakuhaan og armas sa kapulisan sa checkpoint sa lungsod sa Sibonga sa Huwebes sa gabii, Hulyo 18, 2024.
Ang kapulisan sa Sibonga Police Station ubos ni P/ Capt. Fen Abadilla Seares nakasakmit og .45 kalibre nga pistola nga dili lesinsyado nga may. magazine ug tulo ka mga bala.
Ang Sibonga PNP checkpoint gimuntar sa Sitio Taloot, Brgy. Poblacion, diin nasikop si alyas Angel, 20, ulitawo, taga Brgy. Balao, Barili.
Ang suspek nagmotorsiklo sa maong dapit padulong sa bukid ug gumikan kay way helmet gipara. Nihunong ang suspek ug dayon may gibunot sa iyang kilid apan dali nga nakat-an sa mga polis ang pusil.
Siya pasakaan og kasong paglapas sa Republic Act 10591 kun Comprehensive Law on Firearms and Ammunition ug pagmaniho og motorsiklo nga wa mag-helmet. / DVG