NAGTINGKAGOL sa prisohan ang usa ka 38 anyos nga ulitawo human kini gidakop pinaagi sa citizen’s arrest kay matud pa nagpakita sa iyang kinatawo ngadto sa 17 anyos nga dalaga nga iyang kasakay sa bus de pasaheroan sa may North Road, Barangay Tabok, Siyudad sa Mandaue, sa alas 7:30 sa gabii sa Sabado, Pebrero 8, 2025.
Ang suspek nga si alyas Jay, taga Barangay Bakilid, Siyudad sa Mandaue, nakaangkon og mga samad sa nawong human gitabangan og kulata sa mga istambay sa iynang pagkanaug sa bus.
Ang suspek gipakanaug sa konduktor sa bus human nangayog tabang ang biktima nga si alyas Aisa, 17 anyos nga taga Brgy. Basak, Mandaue, kay matod pa nagpa-ut*g sa iyaha.
Human sa hitabo, giturnover ang suspek ngadto sa Mandaue Police Station 3.
Mag-atubang ug kasong kalapasan sa Republic Act 7610 o Acts of Lasciviousness ang suspek. / DVG