Nangayo og pasaylo ang usa ka lumolupyo sa San Juan City nga nag-viral tungod sa iyang dili maayong pamatasan atol sa Wattah, Wattah Festival.
Sa usa ka press conference, gipresentar ni San Juan City Mayor Francis Zamora ang 21-anyos nga lalaki nga residente nga nag-viral tungod sa pagbugalbugal ug pagpasirit og tubig gamit ang water gun ngadto sa usa ka rider sa motorsiklo.
Ang lalaki nahimo’ng emosyonal samtang siya nangayo og pasaylo sa iyang kinaiya, nga nagbutang sa kapistahan sa dili maayo nga dagway uban sa uban pang dili maayo nga mga insidente nga nakahatag og kahasol sa mga nangangi.
Matod niya nga nakadawat siya og mga hulga nga patyon ug mga pagkaon ug uban pang mga butang, nga wala niya gi-order, gihatud usab sa iyang address.
“Lalong-lalo na po sa rider, humihingi po ako ng tawad sa inyo. Gusto ko po kayong makita, sa personal, gusto ko po humingi ng paumanhin po,” matod sa lalaki./ TPM, SunStar Philippines