Langyaw gipasanginlang nangmolestya, gidakop

Langyaw gipasanginlang nangmolestya, gidakop
■ GIDAKOP: Mao kini ang Papua New Guinean national nga gidakop sa Talamban police human nireklamo og molestya ang usa ka manager sa business process outsourcing. / TAMPO

Nabalhug sa Talamban Police Station ang usa ka Papua New Guinean national human pasanginli nga nimolestiya sa usa ka lalaki nga manager sa usa ka business process outsourcing (BPO) alas 9:45 sa Dominggo sa gabii, Hunyo 16, 2024 sa sulod sa lawak sa boarding house sa Sitio Cadahuan, Brgy. Talamban, Dakbayan sa Sugbo.

Ang suspek giila lang sa alyas nga si Ai-Ai, 36, tinun-an sa usa ka unibersidad sa Dakbayan sa Sugbo sa kursong Civil Engineering ug kasamtangan nga nag-abang og kwarto sa usa ka boarding house sa Sitio Cadahuan.

Ang biktima nga si alyas Mar, 35, nireklamo sa Talamban police labot sa gihimo ni alyas Ai-Ai kaniya.

Matod sa biktima nga kauban sila og boarding house sa suspek apan managlahi sila og kwarto. Apan niadtong Dominggo sa gabii, kalit lang nga nisaka sa ikaduhang andana sa boarding house ang suspek ug nisulod sa iyang kwarto nga walay pananghid nga niadtong tungora naghigda na.

Nitupad kini kaniya ug gihikaphikap ang iyang lawas sama sa dughan ug gisuwayan pa sa paghalok ang iyang aping nga maoy hinungdan nga siya nilugnot.

Nidugang sa pagsaysay ang biktima nga nakabantay na siya nga kanunay mosunod niya ang suspek makaunom ka mga higayon.

Matag uli niya sa boarding house gikan sa trabaho kanunay na nga mag-atang niya ang ma­ong langyaw sa hagdanan ug pilit og tinan-awan kaniya.

Matod ni Police Major Alvino Enguito, hepe sa Talamban Police Station, nga gipasakaan na og kasong trespassing ug acts of lasciviousness ang suspek. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph