Langyaw nagsalbabida, gipadpad sa lawod

SALBABIDA: Ingon niini nga matang sa salbabida ang gisakyan sa usa ka Russian national samtang natulog nga naglutawlutaw sa dagat ug gipadpad sa mga bawod. / DARIO V. GIL
SALBABIDA: Ingon niini nga matang sa salbabida ang gisakyan sa usa ka Russian national samtang natulog nga naglutawlutaw sa dagat ug gipadpad sa mga bawod. / DARIO V. GIL

Luwas ang 43 anyos nga Russian national nga na-missing samtang nagpautaw-utaw sakay usa ka giabangan nga salbabida sa kadagatan sa Mahayahay Beach Resort, Lungsod sa Argao, Cebu ala 1 sa hapon sa Lunes, Enero 15, 2023.

Nilusad og search and rescue operations ang Philippine Coast Guard (PCG), inabagan sa Argao Bantay Dagat ug Municipal Disaster Risk Reduction and Management Office aron sa pagpangita sa langyaw nga nagsakay sa inabangan nga salbabida (interior sa ligid sa sakyanan) ug nakatulog.

Wa nganli ang maong Russian national sa iyang pamilya nga maoy nangayo og panabang sa mga otoridad dihang wa na nila nakita.

Namatngunan na lang sa iyang asawa ug mga higala nga nahanaw ang maong langyaw hangtod nga naabtan na sa usa ka oras, wa ma-locate.

Gilawig ang kadagatan ug su’d sa usa ka oras nasigpatan ang maong Russian national sa lawod sa Barangay Talaga, Argao nga adunay 5 kilometros kapin kun kulang nga gilay-on gikan sa baybayon.

Siya naabtan sa rescuers nga nangupot sa buoy (boya) aron dili madala sa layo ilabi na nga kusog ang su’g sa dagat niadtong higayuna.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph