Moabot ngadto sa 900 ka volunteers ug mga sakop sa Cebu City Environmental Sanitation Enforcement Team (CESET), Cebu City
Environment and Natural Resources Office (CCENRO), Department of Public Services Barangay Environment Officers (BEOs) ug mga Badjao ang nagkahiusa sa pagkuha sa mga nabara nga basura sa Sityo Naba, Barangay Mambaling, Cebu City, Huwebes sa Marso 20, 2025.
Ang maong pagpanglimpyo magpadayon ngadto na sa adlaw nga Sabado, Marso 22, 2025.
Sagad sa mga basura nga nakolekta mao ang mga nagkadaiyang matang sa plastik nga nakabara sa tubig nga gikan sa highlands ilabi na nga masangit sa mga kabalayan nga gitarok sa babaan sa sapa maong lugar.
Ang maong inisyatiba gihimo dili lang aron nga malimpyo ang maong palibot apan aron nga mapalambo ang environmental responsibility sa maong komunidad. / JUAN CARLO DE VELA